KIA WAQAE HUM AZAD HAIN

View previous topic View next topic Go down

KIA WAQAE HUM AZAD HAIN

Post by mehwish afsar on Thu Oct 23, 2008 8:11 pm

--------------------------------------------------------------------------------

Itnay saloon se azadi hasil ker lainay kay baad bhi aaj hum azad kion nahi hain ? aaj bhi jabr o istadad ka wohi dor dora hai jo ghar molki aqaoon kay zamanay main howa karta tha.thanoo main shahryoon kay sath police ka salook ho , tax wasoli kay bajay jaan wasoli ho , kisi jageer dar ki niji jail ho ya sarkari jail ho jahan hazaroon moqadmay chalay baghair paray hoon , sanati karkoon ho , zameen ka sena cheer ka sab ka pait bhernay wala kisan ho , daftar main kaam karnay wala molazim ho ya qoom ki tameer karnay wala ustad ho.sab bay basi ki tasveer banay la chari ki zindagi kion basr ker rahay hain aur nadari kay bojh talay pisay ja rahay hain.
soch ka dhara ranwa hai aur ab asbab ki talash hai.kion hum un nataeej se bhra mand na ho sakay jis kay mazay aaj azad qomain lay rahee hain.adalatain bad insafya aur intazamyan bad intazamya phala rahee hai.rahber rah zan ban gay hain aur aala ikhlaq iqdar kay bajay mafad parasti kay hunar sikhay ja rahay hain.tou kia hum rasta khota ker chokay hain ? kia hum ghorbat ki lakir se nichay hi safar tae kartay rahain gay ?
jahan tak mera khayal hai yeh samarat tou azadi kay nahi hain.azadi koi mujeerad shae tou na thi , kia yeh azadi safad aaqaoon se mili thi , aur wo bhi un kay wafadaroon ko , kia yeh azadi hasil nahi ki gai thi ? azadi kay maa'oon kay dularay aur bahnoo kay weer yoon hi kat maray thay , kia unhain yeh bhi maloom nahi tha kay yeh akhri larai nahi hai ?
dushman nay islam dosti ka chola pahan lya hai.aur ab inhi kay sabz khowaboon se in ka shikar karay ga.masawat ka naam lay ga aur insaf ki zanjeerain lat kay gaaur jamhooriat ka dhndora peetay ga.dolat ki ghar monsefana taqseem taqdeer ki jholi main dal day ga.aur " INLAHA MAAS SABEERIN " ko qomi aur islami nazarya qarar day ker insani khon ko chameeno kay dhooin main tabdeel karta rahay ga.
jo loog humaray molk main invest karna chahtay hain , humaray molk main khelna chahtay hain us kay haseen taraeen nazaroon se lotf andooz hona chahtay hain kia hum un ko motmaeen ker saktain hain kay un kay aanay per koi khud kash hamal nahi ho ga , kahin blast karnay ki awaz nahi sunaie day gi , aman ki fakhta kisi konay main dari hoi sahmi hoi dekhai nahi day gi balkay fiza main aman ka geet gatay howay parwaz karti hoi dekhai day gi , koi aisi maan dekhai nahi day gi jis ka beta dahsheet gardi ki nazar ho gaya ho ya ghalat fahmi ki waja se khon o khak ho gaya ho aur us borhi maan ki ankhain apnay bachay ki yaad main zaya ho gay hoon , koi bewi asi nahi dekhai day gi jis se us kay sohag ko cheen ker us ko bay asra aur bewgi ki chadar per samatnay per majboor ker dya ho , koi aisay yateem bachay dekhay nahi dain gay jin se un kay baap ki shafqat o mohbat cheen ker unhain bay yaroo maddad gar aur yateemi kay jholay main samtnay per majboor ker dya ho , koi aisa insan dekhai nahi day ga jo humaray molk ki jarain andar hi andar khokili kernay main masroof yeh.yeh sun ker wo tanzya hasi hasain gay aur kahain gay kay tumharay molk main aam insan tou kia tumharay syasatdaan bhi mahfooz nahi hain tou phir hum kia cheez hain ?
sooch ka jhakar thmnay ka naam hi nahi lata hai.jo bhi tasveer banti hai pahlay se bhi zada bigri hoi hoti hai.bachpan main suni hoi naat ka sheer kanoon main gujnay lagta hai kay :

~ AIE KHASA KHASAN-E-RASOOL WAQT-E-DUA HAI
UMAT PER TARE AAKAY AJAB WAQAT PARA HAI

aisay main tadbeer ki aik hi soorat nazar ati hai aur wo hai taleem , likin kon se taleem jo angrazoon kay no abadyati nazam ka ahlay kar banati hai ya wo taleem jo " IQBAL , AKBAR AUR AFGANI " datay thay jo zoge yaqeen pada karti hai , wohi zoqae yaqeen jo guhlami ki in zanjeeron ko kat dalay gi , jo dhaqa ko rozi farham na karnay walay her khosha-e-gundoom ko jalanay ki salhyat aata kart hai.

mehwish afsar

mehwish afsar
New Member
New Member

Number of posts: 3
Location: RIYADH SAUDIA ARAB
Registration date: 2008-10-23

View user profile

Back to top Go down

View previous topic View next topic Back to top


Permissions in this forum:
You cannot reply to topics in this forum