Mohabbatein Jab Shumaar Karna To Saazishein Bhi Shumaar Karna...

View previous topic View next topic Go down

Mohabbatein Jab Shumaar Karna To Saazishein Bhi Shumaar Karna...

Post by aloNe iN DaRk on Sun Sep 07, 2008 5:14 am


Mohabbatein Jab Shumaar Karna To Saazishein Bhi Shumaar Karna
Jo Mairey Hissey Mein Aayi Hain Woh Aziyatein Bhi Shumaar Karna

Jalaye Rakhoon Gi Subah Tak Main Tumharey Rastey Mein Apni Aankhein
Magar Kahin Zabt Toot Jaaye To Baarishein Bhi Shumaar Karna

Jo Harf-e-Wafa Pay Likhey Huwey Hain Inn Ko Bhi Daikh Lena
Jo Rayeigaan Ho Gayin Woh Saari Abaartein Bhi Shumaar Karna

Ye Sardiyon Ka Udaas Mosam Ke Dharrkanein Bhi Barf Ho Gayin Hain
Jab Inn Ki Yakh Bastagi Parakhna, Tamazatein Bhi Shumaar Karna

Tum Apni Majbooriyon Ke Qissey Zuroor Likhna Wazahaton Say
Jo Mairi Aankhon Mein Jal Bujhi Hain Who Khwahishein Bhi Shumaar Karna
avatar
aloNe iN DaRk
Administrator

Number of posts : 115
Registration date : 2008-09-01

View user profile

Back to top Go down

View previous topic View next topic Back to top

- Similar topics

 
Permissions in this forum:
You cannot reply to topics in this forum