To ALLAH Pathar Marta Hai....!!

View previous topic View next topic Go down

To ALLAH Pathar Marta Hai....!!

Post by aloNe iN DaRk on Sun Sep 07, 2008 5:39 am


Aik nojawan aur kamiyab buisness man apni nayi Jaguar Car main taiz raftari ke saath apney mohaley ki gali say guzar raha tha. Uss ki nazrein rastey mein khailney waaley bachon par lagi hui thi ke koi uss ki Car ki zad main na aa jaaye… ke eik dam ussey apni car ki raftar kam karni parrti hai… uss ne mehsoos kiya ke uss ki car ke darwazey par pathar aa kar laga hai… uss ne car roki aur phir uss maqam par ley gaya jahan say pathar maara gaya tha… woh ghussey say nikla aur pathar maarney waaley bachey ko bazoo say pakarr kar gussey mein kehney laga ke "Kon ho tum?,, ye tum ne kya kiya?, jantey ho ye mairi nayi car hai…? aur iss dent ke sahi karney ke tumhein pata hai kitney dollars lagein gey…? tum ne aisa kyun kiya?

Bachey ne sharmindagi aur maazrat bharay lehjey mein kaha… "mujhey aap ki qeemti car ko pathar marnay ka afsos hai jiss ke liye main sharminda hoon… lekin kaafi dair say main madad haasil karney ke liye yahan say guzarney waali gaariyon ko rokney ki koshish kar raha hoon... magar koi rukta hi nahin… lehaza mujhay majbooran pathar maarna parra… phir bachey ne aansoo saaf kartey huwey uss nojawan ki tawajah sarrak ke ekk koney par dilaai… jahan eik boorrha shakhs apni wheel chair say gir kar zakhmi ho gaya tha...

Bachey ne nojwan gaari waaley say kaha ke… Ye mairey baba hain aur wheel chair say gir gaye hain... main akaila inn ko uttha kar wheel chair par nahin bittha paa raha hoon… kya aap inn ko wheel chair par bitthaney mein mairi madad karein gey…??

Gaari waaley ki aawaz abb gang ho chuki thi… woh jo abhi apni qeemti gaari ke nuqsan par bahcey par baras raha tha… ab jazbat ke josh say uss ka gala rundh raha tha… lehaza uss ne taizi say zakhmi apahaj ko zameen say utthaya aur wheel chair par bittha diya… phir jaib say apna qeemti romaal nikaal kar uss ka khoon saaf kiya… aur rondhey huwey lehjay mein bachey say kaha ke.. "tum fikar nahin karo… sab theek ho jaaye ga.."

Gaari waala aahista aahisat bhari qadmon say apni Jaguar tak pohancha… uss ki qeemti gaari par laga huwa Dent kaafi numaya tha… lekin uss ne uss nishaan ko theekh nahin karwaya…. Taa ke ussey yaad rahey ke.

Apni zindagi mein itni taiz raftari na dikhao ke kisi ko tumahri tawajah haasil karney ke liye pathar phainkna parrey…

Allah Subhan Tallah roz humarey kaan mein sargoshi kartey hain aur humarey dilon mein boltey hain… lekin jab humarey paas sun-ney ka waqt nahin hota…. to… Allah Tallah ko bhi pathar marna parrta hai…!
avatar
aloNe iN DaRk
Administrator

Number of posts : 115
Registration date : 2008-09-01

View user profile

Back to top Go down

Re: To ALLAH Pathar Marta Hai....!!

Post by uswah on Thu Jul 07, 2011 7:56 am

nice story...great lesson for us to learn
keep it up

uswah
New Member
New Member

Number of posts : 30
Registration date : 2011-07-06

View user profile

Back to top Go down

Re: To ALLAH Pathar Marta Hai....!!

Post by falak on Sat Nov 10, 2012 1:37 am

Very nice stuff has been shared

falak
New Member
New Member

Number of posts : 16
Age : 28
Location : Lahore
Registration date : 2012-10-06

View user profile http://www.milano.pk/

Back to top Go down

Re: To ALLAH Pathar Marta Hai....!!

Post by Sponsored content


Sponsored content


Back to top Go down

View previous topic View next topic Back to top


 
Permissions in this forum:
You cannot reply to topics in this forum