Tum Mairi Aankh Ke Tewar Na Bhula Paao Gey .....

View previous topic View next topic Go down

Tum Mairi Aankh Ke Tewar Na Bhula Paao Gey .....

Post by aloNe iN DaRk on Sun Sep 07, 2008 7:50 pm


Tum Mairi Aankh Ke Tewar Na Bhula Paao Gey
Ann-kahi Baat Ko Samajho Gey To Yaad Aaoon Ga

Hum Ne Khushiyon Ki Tarah Dukh Bhi Ikathey Daikhey
Safah-e-Zeest Ko Palto Gey To Yaad Aaoon Ga

Issi Andaaz Mein Hotey Thay Mukhaatib Mujh Say
Khat Kisi Aur Ko Likho Gey To Yaad Aaoon Ga

Sard Raaton Ke Mehaktey Huwey Sanaton Mein
Jab Kisi Phool Ko Choomo Gey To Yaad Aaoon Ga

Abb Terey Ashk Main Honton Say Chura Leta Hoon
Haath Say Khud Inhein Poncho Gey To Yaad Aaoon Ga

Shaal Pehanaye Ga Abb Kon December Mein Tumhein
Baarishon Mein Kabhi Bheego Gey To Yaad Aaoon Ga

Aaj Tum Mehfil-e-Yaaran Pey Ho Magroor Bohat
Jab Kabhi Toot Ke Bikhro Gey To Yaad Aaoon Ga

Haadsey Aayein Gey Jeevan Mein To Tum Ho Ke Nidhaal
Kisi Deewaar Ko Thaamo Gey To Yaad Aaoon Ga

Iss Mein Shaamil Hai Mairey Bakht Ki Tareeki Bhi
Tum Siyah Rang Jo Pehno Gey To Yaad Aaoon Ga ....!!
avatar
aloNe iN DaRk
Administrator

Number of posts : 115
Registration date : 2008-09-01

View user profile

Back to top Go down

View previous topic View next topic Back to top


 
Permissions in this forum:
You cannot reply to topics in this forum