Kisi Say Dil Lagao Bandagi Aisey Hi Aaye Gi....

View previous topic View next topic Go down

Kisi Say Dil Lagao Bandagi Aisey Hi Aaye Gi....

Post by aloNe iN DaRk on Sat Sep 13, 2008 9:58 am


Kisi Say Dil Lagao Bandagi Aisey Hi Aaye Gi
Woh Boli Humarey Paas Aao Aashiqi Aisey Hi Aaye Gi

Mairi Barbadiyon Ka Soch Kar Yoon Huwa Goya!
Tumhari Shayari Mein Pukhtagi Aisey Hi Aaye Gi

Chalo Apney Chiraghon Ki Muramat Phir Say Kartey Hain
Ke Iss Zulmat Kadey Mein Roshni Aisey Hi Aaye Gi

Gawahi Dey Raha Hai Qais Ki Har Rait Ka Zara
Tumharey Dasht Mein Bhi Zindagi Aisey Hi Aaye Gi

Ameer Shehar Ne Pardey Uthaney Ka Hukum Dey Kar
Kaha Logon Ke Dar Par Paalki Aisey Hi Aaye Gi

Gira Daalo Hawaili Ke Dar-o-Deewar Ki Bandish
Tumharey Sehan Mein Bhi Chandni Aisey Hi Aaye Gi

Woh Har Ekk Jaam Iss Umeed Par Peetey Gaye
Ke Shahyad Mai Kadey Mein Be-khudi Aisey Hi Aaye Gi ....!!
avatar
aloNe iN DaRk
Administrator

Number of posts : 115
Registration date : 2008-09-01

View user profile

Back to top Go down

View previous topic View next topic Back to top


 
Permissions in this forum:
You cannot reply to topics in this forum