Ajab Pagal Si Larrki Hai !!!

View previous topic View next topic Go down

Ajab Pagal Si Larrki Hai !!!

Post by aloNe iN DaRk on Sat Sep 13, 2008 10:15 am


Mujhey Har Khat Mein Likhti Hai
"Mujhey Tum Yaad Kartey Ho?
Tumhein Main Yaad Aati Hoon?"
Mairi Baatein Sataati Hain
Mairi Neendein Jagaati Hain
Mairi Aankhein Rulaati Hain
December Ki Sunehri Dhoop Mein Abb Bhi Tehaltey Ho?
Kisi Khamosh Rastey Say
Koi Aawaaz Aati Hai?
Thatharaati Sard Raton Mein
Tum Abb Bhi Chat Pay Jaatey Ho?
Falak Ke Sab Sitaron Ko
Mairi Baatein Sunatey Ho?
Kitabon Say Tumarey Ishq Mein Koi Kami Aayi?
Ya Mairi Yaad Ki Shidat Say Aankhon Mein Nami Aayi?
Ajab Pagal Si Larrki Hai
Mujhey Har Khat Mein Likhti Hai ....

Jawaban Uss Ko Likhta HooN....
Mairi Masroofiyat Daikho Subah Say Shaam Office Mein
Chirag-e-Umar Jalta Hai
Phir Uss Ke Baad Duniya Ki
Kayi Majbooriyan Paaon Mein Bairri Daal Rakhti Hain
Mujhey Be-fikr, Chahat Say Bharey Sapney Nahin Dikhtey
Tehalney, Jaagney, Roney Ki Mohlat Hi Nahin Milti
Sitaron Say Miley Arsa Huwa..... Naraz Hoon Shayad
Kitabon Say Shagaf Maira Abhi Waisey Hi Qayam Hai
Farq Itna Parra Hai Abb Unhein Arsey Mein Parrhta Hoon
Tumhein Kis Ne Kaha Pagli Tumhein Main Yaad Karta Hoon
Ke Main Khud Ko Bhulaney Ki Musalsal Justajoo Mein Hoon
Tumein Na Yaad Aaney Ki Musalsal Justajoo Mein Hoon
Magar Ye Justajoo Mairi Bohat Nakaam Rehti Hai
Mairey Din Raat Mein Abb Bhi Tumhari Shaam Rehti Hai
Mairey Lafzon Ki Har Maala Tumharey Naam Rehti Hai
Tumhein Kis Ne Kaha Pagli Tumhein Main Yaad Karta Hoon
Purani Baat Hai Jo Log Aksar Gungunatey Hain
Unhein Hum Yaad Kartey Hain Jinhein Hum Bhool Jatey Hain
Ajab Pagal Si Larrki Ho
Mairi Masroofiyat Daikho
Tumhein Dil Say Bhulaoon To Tumhari Yaad Aaye Na
Tumhein Dil Say Bulaney Ki Mujhey Fursat Nahin Milti
Aur Iss Masroof Jeewan Mein
Tumahrey Khat Ka Ikk Jumla
"Tumhein Main Yaad Aati Hoon?"
Mairi Chahat Ki Shidat Mein Kami Honey Nahin Deta
Bohat Raatein Jagata Hai Mujhey Soney Nahin Deta
So Agli Baar Apney Khat Mein Ye Jumla Nahin Likhna
Ajab Pagal Si Larrki Hai Mujhey Phir Bhi Yehi Likhti Hai

Mujhey Tum Yaad Kartey Ho Tumhein Main Yaad Aati Hoon ??
avatar
aloNe iN DaRk
Administrator

Number of posts : 115
Registration date : 2008-09-01

View user profile

Back to top Go down

Re: Ajab Pagal Si Larrki Hai !!!

Post by hairtransplantpakistan on Sat Nov 05, 2011 5:18 am

very nice sentimental poetry stuff has been shared keep it up

hairtransplantpakistan
Junior Member
Junior Member

Number of posts : 84
Registration date : 2011-10-15

View user profile http://www.hairtransplants.com.pk/

Back to top Go down

View previous topic View next topic Back to top

- Similar topics

 
Permissions in this forum:
You cannot reply to topics in this forum