~*~ Main ~*~

View previous topic View next topic Go down

~*~ Main ~*~

Post by aloNe iN DaRk on Thu Sep 18, 2008 1:29 pm


Main haara huwa ikk naseeb hoon..! Ikk bad-bakht ikk bad-dua ikk lanat ikk mulamat..! Thukraya huwa bhi seeney say lagaya huwa bhi.!!! Log khailna jaantey hain mujh say mujh ko taqseem karna bhi jaantey hain seeney say laga kar phir woh dhutkarna bhi jaantey hain..! Woh ikk umeed ki kiran woh ikk khushi ki aas dila kar mujh ko behlana bhi jaantey hain..! Woh log jo mairey apney hain woh apney jo mairey sapney hain..! Unn hi sabhon ne mil kar behalaya bhi nikhara bhi sanwara bhi..! Jab khuwab suhaney lagney lagey jab sapney deewaney karney lagey phir thokar aisi lagti gayi jo gir gir kar bas thak sa gay..! Main kis ko ilzaam doon yahan? Main to bas haara huwa ikk naseeb hoon Ikk bad-bakht ikk bad-dua ikk lanat ikk mulamat..!!

Mujhey gila nahin kisi say koi bas sawal USSI say karta hoon WOH jo mujh ko bananey wala mujh ko jahan mein bulaney wala..! Gar yehi sab kuch karna tha Mujh ko Aahon mein palna tha to kyun diya ye jeewan mujh ko? Kyun diya ye tan dhan mujh ko? Ibrat banana chahtey ho? Mujh per azab rakhna chahtey ho? To kar kyun nahin detey sab..! Khayal mein rakhon iss ko tab ke mujh ko yehi kerna hai maira jeewan yoon hi katna hai..! Sisakta rahon bhatakta rahoon main yoon hi pal pal tarasta rahon tarrapta rahoon..! Girrgirraoon main mitt jaoon main..! Bas phir na USSEY sataoon main..! Na sawal karon phir main koi, jo khud ka likha jaan jaoon main..! Main haara huwa ikk naseeb hoon Ikk bad-bakht ikk bad-dua ikk lanat ikk mulamat..!!

Mairey apnon mairey pyaro mujh say tum bhi bachna abb..! Yaad tum bhi rakhna abb main nahoosat ka ik saya bhi..! Main bad-bakhti ki chaaya bhi..! Dooor raho tum mujh say sab..! Yaad tum bhi rekhna abb..! Jo paas mairey tum aoo gey bad-bakhti say jal jao gey..! Murjhao gey pachatao gey..! Kuch na phir kar pao gey..! Main woh bad-bakhti ki chaaya hoon jo door jaye to behtar hai jo mitt jaye to behtar hai jo khamosh rahey to behtar hai jo pass na aaye to behtar hai..! Mairey apnon mairey pyaro mujh say tum bhi bachna abb..! Yaad tum bhi rakhna abb..! Main haara huwa ikk naseeb hoon..! Ikk bad-bakht ikk bad dua ikk lanat ikk mulamat...!!
avatar
aloNe iN DaRk
Administrator

Number of posts : 115
Registration date : 2008-09-01

View user profile

Back to top Go down

Re: ~*~ Main ~*~

Post by Lny on Thu Sep 18, 2008 10:09 pm

aloNe iN DaRk>>>> mujhey acha ni laga
avatar
Lny
Junior Member
Junior Member

Number of posts : 69
Location : RWP
Registration date : 2008-09-05

View user profile

Back to top Go down

View previous topic View next topic Back to top

- Similar topics

 
Permissions in this forum:
You cannot reply to topics in this forum